Elverum, 3. september
Formaður, gjaldkeri og ritari senda félögum í Svifflugfélagi Íslands kveðju guðs og sína frá Noregi. Vöknuðum snemma í morgun og fengum staðgóðan morgunverð, sem ritari annaðist af alkunnri rausn með norsku brauði og þunnri sultu. Fórum við út á flugvöll í góðu veðri, sólskin og blíðu sem heimamenn segja að hafi ekki sést hér síðan formaður kom hingað fyrir 22 árum. Þar hittum við unga Norðmenn sem voru að kynna sér svifflug og fóru í spiltog. Til að draga upp var notuð 350 hestaafla 6 cylenda díselvél stjórnað af ungri ,,jentu“, sem rykkti mönnum á loft með ofurenergí svo menn náðu himinhæðum, enda var ,,fartin“ lítið eitt undir ljóshraða. Formaður og ritari fóru á loft í spilstarti og eru nú að koma niður 4 tímum seinna. Gjaldkeri félagsins fór í flugstart ásamt formanni og komst í 750 m hæð. Þá tók formaður við og komst í 900 m og var þá skyggni svo lítið að formaður sá ekki gjaldkera í framsæti. Skömmu síðar fóru ritari og formaður í loftið, var þeirra samvinna góð við stjórn svifflugu þar sem formaður stjórnaði ,,rudderum“ en ritari hæðar-og hallarstýri. Var þeirra samvinna til fyrirmyndar og lentu þau örugglega á þeim stað sem flogið var frá. Um kvöldið var sötruðu ketsúpa á veitingastað í Elverum. Formaður minntist upphaf flugs á Íslandi við góðar undirtektir matargesta og hafði hann þá gleymt öllum áhyggjum sveitarfélags Álftaneshrepps. Þegar leið á kvöldið var ritari ein af örfáum gestum sem voru ökufærir og kom formanni og gjaldkera heilum heim ,,på hytta“. Í fyrramálið er reiknað með að ritara verði borðið í Dynamic fisvél frá Slóvakíu en ritarinn vann hylli umboðsmanns og seljenda sökum Chanel 5 og venjulegra skreytni gjaldkera.
Framritað er lesið fyrir og að öllu leyti á ábyrgð gjaldkera sem er ábyrgðarlaus enda í fríi frá venjulegum störfum etc.
